當真係入到吸血鬼劇情，又發現套戲都唔係拍緊驚悚片，又唔夠驚又唔夠緊湊，啲吸血鬼仲要成班圍埋唱歌跳舞有啲癲，最頂癮係佢哋又真係唱得好好聽！
必須講音樂喺呢套戲真係好重要，所有歌都堅好聽，其中有場戲講音樂召喚咗啲惡靈，成場戲用音樂帶起，由古到今世界各地嘅音樂舞蹈炒埋一碟，音樂大同，一鏡到底，畫面勁靚👍🏻
最後想講米高B佐敦係好睇嘅，一人做晒孖兄弟，演出嚟真係完全唔同feel嘅兩個人，正
整體嚟講我個人覺得套戲未算勁好睇，不過音樂好正，一睇無妨嘅...本來期待睇驚悚片點知套戲原來唔驚悚係有啲估唔到囉🙈
(黑人電影我睇得唔多，但係黑人電影+驚悚元素嚟講，暫時都未打破到《訪.嚇》《我們.異》《Nope虛無》喺我心目中嘅神作地位)