[帶全家去旅行 Day 5] 喺名古屋買定便當之後去搭巴士，3粒鐘車程打下機時間好快過，眨下眼就到咗高山！
可惜天氣唔好，落車嗰陣有雨，拖住行李拎遮有啲論盡🤦🏻‍♀️

搵到酒店之後抖一陣就落街，然後個天停咗雨！多謝個天咁幫手🙏🏻
下晝嘅行程只係去高山老街，輕輕鬆鬆行街買嘢食嘢，行到5點幾太陽落山，好多鋪頭都差唔多收檔

[帶全家去旅行 Day 5] 臨離開名古屋之前，嘆返個昭和懷舊早餐😋😋😋
入面坐位唔多，都要排一陣隊先入到去
小倉紅豆多士係經典嘅名古屋名物，終於食到！
紅茶杯勁靚，呢個真心有驚喜，咖啡杯反而比較僕實

食飽去行一陣超市，之後就去巴士站，出發去飛驒高山，GO!

[帶全家去旅行 Day 4] 首先一定要多謝我爸媽肯俾我任性一次🥹 一家人齊齊去吉卜力公園！
個公園咁大又要睇晒咁多個園區，連我自己都覺得攰，多謝佢哋肯陪我癲🥹
本身佢哋都有睇開吉卜力電影，當然就未去到好似我咁興奮，但起碼佢哋有少少認識，對啲電影場面唔會唔知頭唔知路先😂

🎃Happy Halloween🎃

究竟幾多年冇為咗Halloween打扮？！😂
真係難得去USJ嘅Halloween活動先會癲一次😂
喺USJ影相真係幾正，好有feel!
不過我真係影相先戴頂帽，喺USJ玩係全程冇戴帽，戴住帽真係會乜都玩唔到😂

中村光老師終於都畫埋Sister!!!!!!!!🙏🏻🙏🏻🙏🏻🙏🏻🙏🏻😇😇😇😇😇 哈利路亞Instagram

[帶全家去旅行 Day 3] 下晝2點搭火之鳥！勁快就到咗名古屋！
人生第一次去名古屋，進入未知領域，搵路搵到有少少壓力🤦🏻‍♀️🤦🏻‍♀️🤦🏻‍♀️

[帶全家去旅行 Day 3] 喺大阪最後嘅一個朝早，通過家庭會議，即興決定去動物園 ！
用嚟攝時間一個朝早輕鬆行下又睇下動物都唔錯嘅
加上地理位置好近，方便我哋行完直接返酒店攞返啲行李

[帶全家去旅行 Day 3]
一朝早去黑門市場食個靚早餐😋

[USJ] 黃昏時間走咗去玩咗鬼屋Factory Fear，我覺得啲佈置係整得幾靚，啲鬼造型都唔錯，不過入面啲鬼好快俾我見到佢，結果佢哋個個都唔嚇我😂 有個女鬼姐姐見佢幾靚我仲同佢打招呼，佢回應返我😂😂😂

太陽落山之後啲鬼都出晒嚟大街玩，係幾有氣氛
不過我哋冇停低睇太耐，我哋夜晚嘅目標係入霍格華茲，Halloween版本嘅霍格華茲周圍都搞到超級暗😂 玩埋呢個ride已經攰到癲決定要收皮，臨返出去再行下啲紀念品店就歸去了

[USJ] 好多年前嚟玩MINIONS區都只係得一個ride
新嗰個Villain Con完全未見過
原來係射擊game，拎起把槍重到癲咗！！！
入面都係以MINIONS 系列啲反派為主題
我玩親射擊game都好廢，一開波完全唔識搵自己個瞄準點，不停喺度9射😂 之後阿怡提我先識搵，但搵到之後都係喺度9射😂😂😂😂😂
玩完突然喚醒返好多MINIONS系列嘅回憶，又想再睇返，真係每個反派都好有個性好鬼正