淫乱シスコンInfinitel 絲之歌由一開始中國玩家不滿on9翻譯，到依家好多人發現設計極唔合理，甚至話「翻譯已經係最輕既問題」，無謂既雙倍傷害怪物，多得離奇既平台跳躍，存檔點極少極難用，打boss冇獎勵，一街都係收錢既強盜表面上 - #3hp7sgt11j

1 months ago @Edit 1 months ago

絲之歌由一開始中國玩家不滿on9翻譯，到依家好多人發現設計極唔合理，甚至話「翻譯已經係最輕既問題」，無謂既雙倍傷害怪物，多得離奇既平台跳躍，存檔點極少極難用，打boss冇獎勵，一街都係收錢既強盜

表面上係遊戲系統設計好差，但我覺得真正既問題係依家既遊戲開發人員距離玩家太遠

好多玩家討厭遊戲被DEI主導，然而現實係遊戲界好多人甚至敢公開講，遊戲界就係自由白左係主流，根本唔在意你批評DEI搞死遊戲

而絲之歌將整體遊戲設計轉向類魂既折磨玩家方向，大概係依家From software名氣甚高，甚至靠Elden Ring得到Sony頒獎，亦有人話應該係因為本來係DLC定位，我就覺得兩者冇衝突

【看到很多人都在喷丝之歌！我释怀了！】

看到很多人都在喷丝之歌！我释怀了！_游戏热门视频

掰噗~ 話す

1 months ago

唉唉

淫乱シスコンInfinitel

1 months ago

但類魂遊戲係咪就係遊戲既萬金油？其實唔係，幾年前有過類似既熱潮，就係開放世界遊戲，結果現實證明開放世界對好多遊戲黎講並唔適合，開發成本極高之餘仲容易同質化變得無聊

講番類魂，Elden Ring雖然係魂系銷量最高既一作，但同時評價都好兩極，其中負評包括遊戲難度曲線唔合理，出門遇boss，遊戲缺乏引導，好多時根本唔知應該做乜，故事極度碎片化，但玩慣魂系既玩家唔會太在意，因此當某作銷量暴增時，類魂遊戲既反常理設計會曝露於陽光下，佢的確係魂系特色，但其實呢啲特色並唔適合所有人，我當初就係因為初代DS主角操作唔靈活而遠離呢類遊戲

淫乱シスコンInfinitel

1 months ago

好多人只係睇到Sony頒獎，睇唔到玩家屌遊戲，就以為抄就可以大賣，但如果開發人員真係有細心留意玩家既聲音，就唔會犯咁既錯，所以點解結合近年既DEI風波黎睇，做唔好遊戲只係表象，實際係依家既開發人員根本就唔在意玩家，絲之歌既開發只不過唔係例外

立即下載