- 成場live基本上都係一首歌接一首歌冇停過，中間完全冇空檔位冇吹水位，再一次驚嘆佢哋3個人嘅體力，直到encore環節先有少少傾計環節
- 今次個舞台超級靚！4面台又正，燈光又靚，天花板嘅倒金宇塔屏幕又好睇
- 細佬套鼓喺正中間可以360度旋轉，阿勤同Tony都會不停走位，真係唔同位置都可以清楚睇晒3個人👍🏻
- 今晚最靚畫面我覺得係《粉紅泡泡防護罩》，粉紅燈光配合"漫天的泡泡"🥺🥺🥺 估唔到咁簡單嘅吹泡泡都咁有feel

- 我想講《安全距離》新加咗段intro真係好聽到癲咗🤯🤯🤯🤯🤯 震撼到我！！！
- 其實仲有好多首歌都好震撼真係數唔晒，今晚真係玩咗超多首歌又加咗唔少新編曲真係好正
- encore環節講笑話可以俾大家點歌，有一班觀眾好齊心勁大聲話要聽《南天門》，然後真係即興玩咗一段仔🤘🏻多謝點歌我都超鍾意呢首，夠rock🔥🤘🏻
- encore到最尾一首係《鄰家的你》大合唱，準時11點完場👏🏻
- 其實Pandora真係值得更大嘅場，近呢兩年真係feel到佢哋紅咗好多！！
- 多謝Pandora創作嘅音樂陪伴住我哋渡過艱難嘅日子🥹 今晚場live好有能量好有power，希望佢哋將來真係可以衝出麥花臣去更大嘅舞台！

頭先完場臨走執紙碎，發覺今場飄嘅紙碎係花辮咁樣，連呢啲細節都咁配合主題🥺