一嚟到心寨橋就滿足咗阿怡嘅願望先，帶佢去Chiikawa Land買買買😂 (爸媽去咗B1樓層行超市各自修行wwwww)
之後我哋去埋隔離大丸嘅Pokemon Center，好彩電梯口有長櫈可以俾人坐下 (aka家長等候區😂) 麻煩爸媽成日等我哋兩姊妹shopping🙏🏻🥺

喺center發現好多B side label貼紙我冇見過(應該係我之前冇留意😂)，一次過買返晒先🥺

Shopping完就去食飯，第一次食かに源，食蟹放題！揀咗最平嗰個餐每位6000yen左右
任食長腳蟹超滿足！！！😋😋😋
除咗蟹，仲有其他嘢都任食例如章魚燒、炸雞、餃子、炸燒賣、天婦羅等等
呢間係樓上鋪，夜晚7點半食飯時間，初初一上到去見到淨係得一枱人喺入面食嘢，勁驚呢間唔知會唔會伏，但我哋食完又覺得算係中規中矩，未至於超級震撼，味道正常囉，本身鍾意食蟹，放題可以瘋狂食蟹我哋都好滿足😋😋😋

臨返酒店之前行埋藥妝店同便利店買少少嘢，結束第1日！

蟹放題正喎！！！

蟹！！！