原來Shift Up既金亨泰曾經同Tony有少少緣份，後者算係佢貴人

不過我最唔喜歡既畫師就係Tony，比較百感交集

我痛風，但花生塞到入口，好難唔食

話說原神取得巨大既商業成功後，好多中國遊戲公司就想分蛋糕，各自推出所謂既一般向二次元遊戲，主打用好睇既女角色做宣傳呃你入場，再用男角色討好女玩家，大量玩家發現自己上當，稱呼呢類遊戲做緬北二遊

之後各種遊戲派屎俾玩家食出事，以為只要自家既玩法唔同，就可以分到蛋糕，完全無視抽卡遊戲既本質

終於有一家公司唔怕米哈遊作為業界龍頭既淫威，用鳴潮同原神打對台，仲青出於藍更勝於藍，你米家出黑絲正太同奶窗男，我鳴潮就用鳥窗男同你打對台

我講真，性取向正常既男網友唔好search鳥窗男，有啲野真係唔知好過知

而當平均一個女角色身上既布料可以做4套男裝既時候，有人會思考呢個係咪正常現象，而官方亦作出回應會修改服裝

對於我黎講，星穹鐵道應該係用黎挽回我對米哈遊信心既最後一款遊戲，不過聽講左流螢既設計後，我感覺到大概佢會成為字面意義上我玩過既最後一款米哈遊遊戲

有啲人催眠得自己多，就真係信足某件事，以為原神真係開放世界遊戲

講番十多年前，當時既我用XBOX玩到好多出色既開放世界遊戲，包括Elder Scroll Oblivion

當中我最驚艷既係某款主角係警察既遊戲，表面上佢係好似GTA咁你可以唔推主線然後釋放壓力，不過主角係警察呢點遊戲就發揮得淋漓盡致，平時你可以捉壞人交業績去警局領獎勵裝備，你亦可以隨街塞違禁品俾普通人造業績，街上發生打鬥既你可以好似GTA咁以武制武，亦可以嘗試攞警章出黎警告佢地，多數人會舉雙手，有少部分人會攻擊你

最好笑既係某次我唔小心揸車上行人路，竟然被人用中文罵「睇路啦仆街」，又有一次我唔小心揸車撞到警車，車上一個軍裝落車罵我，結果我一出示警章，佢馬上改口「Sorry Sir」

1+1<1

最近米哈遊被取笑既不等式

首先原神2022年既營收係大約9億美金，然後到2023年，原神營收係大約6億美金，而星穹鐵道係大約3億美金

咁講計埋開發費既話，米哈遊應該係輕傷掛？

但係又有另一份報告出現，講到2023年第二季到2024年第一季，單係做美國既電子宣傳米哈遊就用左大約3億美金，同前期比增加左略少於5倍，跑贏第二名既任天堂，當中8成係用黎宣傳星穹鐵道

即是星穹鐵道幾乎等於白做，成功建立1+1<1既不等式

What can I say? 有錢真好

Square Enix發表最新既報告，例牌冇港台遊戲媒體講

先講比較抽象既，SE表明以後會重質唔重量，以及會將重心放番家用機上，對行情比較了解既都知，近年SE個朵臭到爆，推出大量既手機遊戲，好多都好粗製濫造，甚至相當於詐騙，營收成績本身已經夠差，雪上加霜既係，SE一見勢頭唔對路，遊戲好快就會停運，營運唔夠一年既手機遊戲同服務型遊戲數不勝數，睇黎SE終於都明白問題所在

再講比較具體既，SE黎緊會轉戰任天堂既平台，結合之前任天堂講到之後會有後繼機既公告，好難唔去諗私底下任天堂可能事先搵左SE傾左啲條件，係繼CAPCOM後既又一大損失，眾所周知（？）依家SONY唔再重視日本市場，而SE都係為PS5出左動用700名員工製作7年既FF16，可以話係仁至義盡了，就算我再討厭任天堂同SE都好難責怪佢地

講起中國男性玩家既處境，我知道港台既反應大致上應該係「抵撚你死，鬼唔知你中國多呢啲河蟹」，呢個的確好大程度係啱既

Well，咁講女性玩家係咪都咁慘呢？正當外國人取笑「我以為中國入面出現奶同八月十五都係犯法」既時候，有人發左一段遊戲CG，一男一女被車門遮住下半身前後伏玩車震，咩話，遮半個身太無癮？另一段CG係一塊布遮住器官就床上活動了，而且從角色設計睇，明顯係傳說中既乙女遊戲

令我既腦當場爆炸

講起黎「女性向遊戲世界」既漫畫更新新一集，王妃戰後搵到男主角道歉，並對主角道出真相。

前幾年，中國政府整頓影視圏既活動，令到大量相關既人失業

然後影視圈控訴因為遊戲業瘋狂咁搶奪人才，搞到現時影視圏無人可用

剛好米哈遊研發原神時員工不足1000人，然後擴張到依家據講有4000人，有人話影視圏既人湧入遊戲業造成飯圏現象，有人話唔關米哈遊事，咪侮辱智慧啦，呢幾年多左三千幾名員工，你真係信冇影視圏轉行過黎既？

講番最初啦，2019年發生咩事？中國政府整頓影視圈既活動，米哈遊呢幾年最出名既就係活動，唔講秋葉原，去雪山放傳送點，現實音樂會，叫口號派傳單活動，瘋狂聯動飲品壽司郎甚至係日本街頭小食，呢種咁全面既活動，除左擁有頂級IP既幾間公司，基本上冇其他遊戲公司會咁做，倒不如話，米哈遊肯定係影視圏被整頓後既最大得益者

シスル (@Sithle011) on X

刪原神，得硬碟自由

[異塵餘生4] VATS中毒者的廢土之旅 主線

[輻射4]

你____的又有任務BUG